Makita VC011G Instruction Manual page 45

Pastrimi i filtrit të sfungjerit
KUJDES:
Pas pastrimit të filtrave prej
sfungjeri, sigurohuni t'i vendosni në fshesën
me korrent. Nëse i lani me ujë, thajini para se t'i
vendosni. Filtrat prej sfungjeri të patharë mjaftueshëm
mund të shkurtojnë jetëgjatësinë e shërbimit të
motorit.
Filtrat prej sfungjeri poshtë filtrit HEPA parandalojnë
hyrjen e pluhurit në motor.
1. Hiqni filtrat prej sfungjeri nga fshesa me korrent.
► Fig.43: 1. Filtri prej sfungjeri
2. Fshini dhe shkundni me dorë pluhurin nga filtrat
prej sfungjeri. Kur filtrat prej sfungjeri janë bllokuar, lajini
ato me ujë me sapun.
► Fig.44
3. Vendosini filtrat prej sfungjeri në pozicionin e tyre fillestar.
Pastrimi i qeses së pluhurit
Pastrojeni rregullisht qesen e pluhurit me sapun dhe ujë.
Kthejeni qesen e pluhurit nga ana tjetër dhe hiqni pluhurin
e ngjitur. Lajeni me delikatesë me dorë dhe shpëlajeni mirë
me ujë. Thajeni plotësisht përpara se të montoni fshesën.
► Fig.45
VINI RE:
Qeset e lagura të pluhurit ulin rendimentin
e fshirjes si edhe jetëgjatësinë e motorit.
Pastrimi i bllokimit
Kur pastroni bllokimin, hiqni zorrën ose tubin zgjatues
ose grupin e tubit të lakuar për të kontrolluar brenda.
Referojuni pjesës për montimin e grupit të tubit të
lakuar.
Pastrimi i hapësirës për qesen e
filtrit/qesen e pluhurit
Kjo pajisje është e pajisur me një sistem për largimin e
pluhurit. Ndërsa ecni kur transportoni fshesën, sustat
poshtë kartonit shkaktojnë dridhje te kartoni dhe
shkundin pluhurin nga qesja e filtrit/qesja e pluhurit.
Kur pastroni hapësirën për qesen e filtrit/qesen e
pluhurit, hiqni dhe fshini kartonin brenda.
► Fig.46: 1. Kartoni
Heqja e kartonit
1. Hiqni filtrin HEPA. Referojuni seksionit për
pastrimin e filtrit HEPA për mënyrën e heqjes.
2.
Shtypni kartonin dhe rrëshqiteni në të majtë derisa
kartoni të prekë murin.
3. Ngrini lart anën e djathtë të kartonit dhe nxirreni jashtë.
► Fig.47: 1. Kartoni
Kartoni mbështetet nga tre susta.
Nëse sustat dalin nga pjesët e dala, ribashkojini ato siç
ilustrohet.
► Fig.48: 1. Susta e gjatë 2. Susta e shkurtër 3. Pjesa e dalë
SHËNIM: Bashkoni sustat në mënyrë të sigurt që të
prekin pjesën e poshtme të pjesës së dalë.
Vendosja e kartonit
1.
Futni anën e drejtë të kartonit në kapëset e anës
së majtë të poshtme të hapësirës.
2. Vendosni anën e djathtë të kartonit në vend.
► Fig.49: 1. Kartoni 2. Ana e drejtë 3. Kapësi
AKSESORI CYCLONE
Aksesor opsional
SHËNIM: Kur përdorni aksesorin Cyclone me këtë
pajisje, nevojitet edhe tubi i lakuar.
► Fig.50: 1. Aksesori Cyclone
Rreth aksesorit Cyclone
Përdorimi i fshesës me aksesorin Cyclone të vendosur
redukton sasinë e pluhurit që hyn në qesen e pluhurit,
gjë që ndihmon në parandalimin e dobësimit të forcës
së thithjes. Gjithashtu, edhe pastrimi pas përdorimit
është i thjeshtë.
KUJDES:
Sigurohuni gjithmonë që vegla
të jetë e fikur dhe kutia e baterisë të jetë hequr
përpara se të kryeni ndonjë punë në vegël. Nëse
kutia e baterisë lihet e futur, fshesa mund të niset
papritur dhe të rezultojë në lëndim.
KUJDES:
Pastroni filtrin prej rrjete të
aksesorit Cyclone dhe qesen e pluhurit të njësisë
së fshesës kur ato bllokohen. Vazhdimi i përdorimit
në gjendje të bllokuar mund të rezultojë në nxehje
ose tym.
VINI RE:
Kur aksesori Cyclone është i vendosur,
mos e përdorni aksesorin Cyclone në pozicion
horizontal ose lart. Nëse veproni kështu mund të
bëni që filtri prej rrjete të bllokohet.
VINI RE:
Gjithmonë përdoreni fshesën me
qesen e pluhurit të vendosur, edhe kur përdorni
aksesorin Cyclone. Përdorimi i fshesës pa qesen
e pluhurit mund të rezultojë në keqfunksionim të
motorit.
SHËNIM: Kontrolloni që aksesori Cyclone, fshesa
dhe tubi i drejtë të jenë kyçur mirë përpara përdorimit.
SHËNIM: Zbrazeni kutinë e pluhurit të aksesorit
Cyclone dhe qesen e pluhurit të fshesës kur është
grumbulluar pluhur. Vazhdimi i përdorimit do të
rezultojë në forcë të dobësuar thithjeje.
SHËNIM: Ju mund ta përdorni aksesorin Cyclone me
ose pa funksionin e kyçjes.
SHËNIM: Për të vendosur ose hequr aksesorin
Cyclone, referojuni seksionit "Përdorimi si fshesë".
45 SHQIP