Makita LM001G Instruction Manual page 38

23. Nëse kositësja godet një objekt të huaj, ndiqni
hapat e mëposhtme:
- Fikni kositësen, lëshoni levën e çelësit dhe
prisni derisa disku të ketë ndaluar plotësisht.
- Hiqni kutinë e baterisë.
- Kontrolloni mirë kositësen për ndonjë
dëmtim.
- Zëvendësoni diskun nëse ka ndonjë dëmtim.
Riparoni çdo dëmtim përpara se të rinisni ose
të vazhdoni punën me kositësen.
24. Mos e ndizni kositësen kur jeni duke qëndruar
përpara vrimës së shkarkimit.
25. Nëse kositësja nis të ketë dridhje jo normale
(kontrollojeni menjëherë)
- inspektoni për dëmtim,
- zëvendësoni ose riparoni pjesët e dëmtuara,
- kontrolloni dhe shtrëngoni pjesët e liruara.
26. Asnjëherë mos ia drejtoni materialin e shkarkuar
dikujt. Shmangni shkarkimin e materialit
kundrejt një muri ose pengese. Materiali mund të
bëjë rikoshetë drejt përdoruesit. Ndalojeni fletën kur
kaloni mbi sipërfaqe me zhavorr.
27. Mos e tërhiqni kositësen prapa përveçse
kur është absolutisht e nevojshme. Kur jeni i
detyruar që të ktheni kositësen nga një gardh ose
pengesë e ngjashme, shikoni poshtë dhe prapa
përpara dhe gjatë lëvizjes mbrapsht.
28. Fikeni motorin dhe prisni derisa fleta të ndalojë
plotësisht përpara se të hiqni kapësen e barit.
Tregoni kujdes sepse fletët lëvizin pas fikjes.
29. Kur e përdorni makinerinë në tokë me baltë,
pjerrësi të lagur, ose vend të lagur, kushtojini
kujdes vendosjes së këmbëve.
30. Mos e zhytni makinerinë në pellgje.
31. Kur përdorni makinerinë, kushtojuni kujdes
tubacioneve dhe instalimeve elektrike.
Mirëmbajtja dhe ruajtja
1. Për siguri, ndërrojini pjesët e konsumuara apo
të dëmtuara. Përdorni vetëm pjesë këmbimi
dhe aksesorë origjinalë.
Inspektoni dhe mirëmbajeni kositësen
2.
rregullisht.
3. Kur nuk është në përdorim, ruajeni kositësen
larg fëmijëve.
4. Mbajini të gjitha dadot, bulonat dhe vidat të
shtrënguara mirë për t'u siguruar që pajisja të
jetë në kushte të sigurta pune.
5. Kontrolloni vazhdimisht koshin e barit
për konsumim ose vjetrim. Për ruajtje,
sigurohuni gjithmonë që koshi i barit të jetë
bosh. Për siguri, një kosh bari të konsumuar
zëvendësojeni me një kosh të ri nga fabrika.
6. Përdorni vetëm disqet origjinale të prodhuesit
të specifikuara në këtë manual.
Bëni kujdes gjatë rregullimit të kositëses për
7.
të parandaluar ngecjen e gishtave në disqet që
lëvizin dhe në pjesët e fiksuara të kositëses.
8. Kontrolloni në intervale të shpeshta që buloni i
montimit të diskut të jetë shtrënguar mirë.
9. Lëreni gjithmonë kositësen të ftohet përpara
se ta magazinoni.
10. Gjatë kryerjes së shërbimeve te disqet bëni
kujdes që edhe pse burimi i energjisë është i
fikur, disqet mund të lëvizin ende.
11. Asnjëherë mos hiqni ose ngacmoni pajisjet e
sigurisë. Kontrolloni rregullisht funksionimin
e tyre të rregullt. Asnjëherë mos bëni diçka
për të ndërhyrë në funksionin e synuar të një
pajisjeje sigurie ose për të reduktuar mbrojtjen
e ofruar nga një pajisje sigurie.
12. Mos e lini makinerinë të pamonitoruar
përjashta në shi.
13. Kur magazinoni makinerinë, shmangni dritën
e drejtpërdrejtë të diellit dhe shiun, dhe ruajeni
në një vend ku nuk nxehet apo njomet.
Përdorimi dhe kujdesi për veglën me bateri
1. Ngarkojeni vetëm me ngarkuesin e specifikuar
nga prodhuesi. Ngarkuesi që është i
përshtatshëm për një lloj pakete baterie mund të
shkaktojë rrezik zjarri kur përdoret me një paketë
tjetër baterie.
2. Përdorini veglat elektrike vetëm me paketat e
baterisë të përcaktuara në mënyrë specifike.
Përdorimi i paketave të tjera të baterisë mund të
paraqesë rrezik lëndimi dhe zjarri.
3. Kur paketa e baterisë nuk përdoret, mbajeni
larg nga objektet e tjera metalike, si kapëset
e letrave, monedhat, çelësat, gozhdët, vidat
ose objektet e tjera metalike të vogla që mund
të bëjnë lidhje nga njëri terminal tek tjetri.
Krijimi i lidhjes së shkurtër ndërmjet terminaleve të
baterisë mund të shkaktojë djegie ose zjarr.
4. Në kushte sforcimi mund të dalë lëng
nga bateria; shmangni kontaktin. Nëse
aksidentalisht ndodh kontakt, shpëlani me ujë.
Nëse lëngu bie në kontakt me sytë, kërkoni
edhe ndihmën e mjekut. Lëngu i dalë nga bateria
mund të shkaktojë acarim ose djegie.
5. Mos e përdorni një kuti baterie apo vegël që
është e dëmtuar ose e modifikuar. Bateritë e
dëmtuara ose të modifikuara mund të shfaqin
sjellje të paparashikueshme që rezultojnë në zjarr,
shpërthime apo rrezik plagosjeje.
6. Mos e ekspozoni kutinë e baterisë ose veglën
në zjarr ose ndaj temperaturave ekstreme.
Ekspozimi ndaj zjarrit ose temperaturave mbi 130
°C mund të shkaktojë shpërthim.
7. Ndiqni të gjitha udhëzimet e karikimit dhe
mos e karikoni kutinë e baterisë ose veglën
jashtë kufijve të temperaturës të specifikuar te
udhëzimet. Karikimi i pasaktë ose në temperatura
jashtë kufijve të specifikuar mund të dëmtojë
baterinë dhe të rrisë rrezikun e zjarrit.
Siguria elektrike dhe e baterisë
Mos e hidhni baterinë(të) në zjarr. Ajo mund
1.
të shpërthejë. Kontrolloni kodet vendore për
udhëzime të mundshme të veçanta të hedhjes.
2. Mos e hapni dhe mos e shformoni baterinë(të).
Elektroliti i çliruar është gërryes dhe mund të
dëmtojë sytë ose lëkurën. Ai mund të jetë toksik
nëse gëlltitet.
3. Mos e karikoni baterinë në shi ose në vende të
lagura.
4. Mos e karikoni baterinë në ambiente të
jashtme.
5. Mos e manovroni me duar të lagura karikuesin,
as spinën dhe kontaktet e tij.
6. Mos e zëvendësoni baterinë në shi.
38 SHQIP