Makita GA5080 Instruction Manual page 51

6. Монтажните додатоци со навој мора да
соодветствуваат на навојот на вретеното на
брусилката. За додатоци што се монтираат
со фланши, отворот за прицвстување на
додатокот мора да одговара на дијаметарот
на фланшата. Додатоците што не одговараат
на монтираниот хардвер на алатот ќе работат
без рамнотежа, ќе вибрираат прекумерно и
може да предизвикаат губење на контролата.
7. Не користете оштетени додатоци. Пред
секоја употреба, проверете ги додатоците
како што се абразивните тркала да не се
скршени или напукнати, подлошките да
не се напукнати, изабени или истрошени,
четките да нема откачени или искинати
жици. Ако алатот или додатокот ви падне,
проверете дали има оштетувања или
ставете неоштетен додаток. Откако ќе го
проверите и ќе го наместите додатокот,
поставете се себеси и околните лица
подалеку од рамнината на вртливиот
додаток и ракувајте со алатот при
максимална неоптоварена брзина една
минута. Оштетените додатоци обично се
распаѓаат за време на овој пробен период.
8. Носете опрема за лична заштита. Зависно
од примената, користете заштита за лицето,
безбедносни затемнети очила или заштитни
очила. Зависно од работата, носете маска
за прашина, ракавици и работна престилка
што може да сопре мали отпадоци од
брусење или стругање. Заштитата за очи
треба да сопира разлетан отпад произведен
од работата. Маската за прашина или
респираторот треба да можат да ги филтрираат
честичките што ги произведува вашата работа.
Подолга изложеност на голема бучава може да
предизвика оштетување на слухот.
9. Присутните лица треба да се на безбедна
оддалеченост од работното подрачје. Секој
што влегува во работното подрачје треба
да носи заштитна опрема. Парчиња од
обработуваниот материјал или од скршен додаток
може да одлетаат и да предизвикаат повреди
надвор од непосредното работно подрачје.
10. Држете го алатот само за изолираните
држачи кога вршите работи каде што
додатокот за сечење може да дојде во
допир со скриени жици или сопствениот
кабел. Додаток за сечење што ќе допре жица
под напон може да ја пренесе струјата до
металните делови на алатот и да предизвика
струен удар на операторот.
11. Поставете го кабелот подалеку од
вртливиот додаток. Ако изгубите контрола,
кабелот може да се пресече или повлече и
раката или дланката може да ви се повлечат во
вртливиот додаток.
12. Не одложувајте го алатот додека додатокот
не сопре сосема. Вртливиот додаток може да
ја зафати површината и да го извлече алатот
од контрола.
13. Алатот не смее да е вклучен додека го
пренесувате. Случаен допир со вртливиот
додаток може да ви ја зафати облеката и да ве
повреди.
14. Редовно чистете ги отворите за
проветрување на алатот. Вентилаторот на
моторот привлекува прашина во куќиштето, а
прекумерното насобирање метал во прав може
да предизвика опасност од струен удар.
15. Не ракувајте со алатот близу до запаливи
материјали. Искрите може да предизвикаат
пожар.
16. Не користете додатоци за коишто се
потребни течности за ладење. Користењето
вода или друга течност за ладење може да
предизвика струен удар.
Повратен удар и предупредувања
Повратен удар настанува при ненадејно
заглавување или поткачување на тркало,
подлошка, четка или некој друг додаток што се врти.
Заглавувањето или поткачувањето предизвикува
нагло сопирање на вртливиот додаток, што
предизвикува губење контрола врз алатот и негово
придвижување во насока спротивна од вртењето на
тркалото на точката на заглавувањето.
На пример, ако абразивно тркало се заглави во
работниот материјал, работ на тркалото што влегува
во точката на заглавувањето може да се зарие во
површината на материјалот, што ќе предизвика
тркалото да излезе или да отскокне. Каменот може
да отскокне кон операторот или настрана од него,
зависно од насоката на движење на каменот во
точката на заглавување. Абразивните камења може
исто така да се скршат под вакви услови.
Повратниот удар е резултат од неправилна употреба
на алатот и/или неправилни работни постапки
и услови и може да се избегне со преземање
соодветни мерки на претпазливост, како што е
наведено подолу.
1. Цврсто држете го алатот и наместете ги
телото и раката, така што ќе можат да ги
издржат силите од повратен удар. Секогаш
користете помошна рачка, ако ја има,
за максимална контрола при повратен
удар или торзиска реакција за време на
стартувањето. Операторот може да ги
контролира торзиските реакции и силите на
повратниот удар ако се преземат соодветни
мерки на претпазливост.
Не ставајте ја раката близу до вртливиот
2.
додаток. Додатокот може да се одбие преку
раката.
3. Не поставувајте го телото во подрачјето
каде што алатот ќе се придвижи во случај
на повратен удар. Повратниот удар ќе го фрли
алатот во насока спротивна од движењето на
тркалото во точката на заглавување.
4. Бидете особено внимателни кога работите
на агли, остри рабови и сл. Избегнувајте
скокање и завлекување на додатокот.
Аглите, острите рабови и отскокнувањето
можат да го заглават вртливиот додаток и да
предизвикаат губење контрола или повратен
удар.
5. Не ставајте сечила за дрворез или назабени
сечила. Таквите сечила често предизвикуваат
повратни удари и губење контрола.
51 МАКЕДОНСКИ