Nokia T10 User guide
IMPORMASYON SA BATERYA AT CHARGER
Impormasyon sa baterya at charger
Para makita kung ang iyong tablet ay mayroong naaalis o hindi naaalis na baterya, tingnan ang
Gabay sa pagsisimula.
Mga device na may naaalis na baterya Gamitin ang iyong device nang may orihinal na nare-
recharge na baterya. Maaaring i-charge at ma-discharge ang baterya nang daan-daang beses,
pero masisira din ito sa paglipas ng panahon. Kapag ang oras ng standby ay kapansin-pansing
mas maikli kaysa sa karaniwan, palitan ang baterya.
Mga device na may hindi naaalis na baterya Huwag subukang alisin ang baterya, dahil baka
masira mo ang device. Maaaring i-charge at ma-discharge ang baterya nang daan-daang beses,
pero masisira din ito sa paglipas ng panahon. Kapag ang oras ng standby ay kapansin-pansing
mas maikli kaysa sa karaniwan, para palitan ang baterya, dalhin ang device sa pinakamalapit na
awtorisadong pasilidad ng serbisyo.
I-charge ang device mo gamit ang compatible na charger. Maaaring mag-iba-iba ang uri ng plug
ng charger. Maaaring mag-iba-iba ang tagal ng pag-charge depende sa kakayahan ng device.
Impormasyong pangkaligtasan tungkol sa baterya at charger
Sa sandaling matapos ang pag-charge ng iyong device, alisin ang charger mula sa
pagkakasaksak sa device at saksakan. Pakitandaang hindi dapat lumampas sa 12 oras ang
tuluy-tuloy na pag-charge. Kung iiwang hindi ginagamit, mauubos ang charge ng isang naka-full
charge na baterya sa paglipas ng panahon.
Nababawasan ng matitinding temperatura ang kapasidad at itatagal ng baterya. Palaging
panatilihin ang baterya sa pagitan ng 15°C at 25°C (59°F at 77°F) para sa pinakamagandang
performance. Maaaring pansamantalang hindi gumana ang isang device na may mainit o
malamig na baterya. Tandaan na maaaring maubos nang mabilis ang baterya sa malalamig na
temperatura at maaari itong mawalan ng sapat na power para ma-off ang device sa loob ng
ilang minuto. Kapag nasa labas ka sa malalamig na temperatura, panatilihing mainit ang iyong
device.
Sumunod sa mga lokal na regulasyon. Mag-recycle kapag posible. Huwag itapon bilang basura
sa bahay.
Huwag ilantad ang baterya sa napakababang air pressure o iwanan ito sa napakainit na
temperatura, halimbawa, itapon ito sa apoy, dahil posible itong magsanhi ng pagsabog o
pagtagas ng nagliliyab na likido o gas ng baterya.
Huwag kalasin, gupitin, durugin, baliin, tusukin, o kung hindi ay sirain ang baterya sa anumang
paraan. Kung tatagas ang isang baterya, huwag hayaang madikit ang likido sa balat o mga
mata. Kung mangyayari ito, hugasan agad ng tubig ang mga apektadong bahagi, o humingi
ng tulong medikal. Huwag baguhin, subukang magpasok ng ibang bagay sa baterya, o ilubog
o ilantad ito sa tubig o iba pang mga likido. Maaaring sumabog ang mga baterya kung sira.
© 2022 HMD Global Oy. Nakalaan ang lahat ng karapatan.
31