Bosch BDU3320 Original Operating Instructions page 49

Aðeins er hægt að taka CenterLock-segulinn (4) af og setja
hann aftur á að hámarki fimm sinnum.
Gjarðarsegull
Þegar gjarðarsegull er notaður þarf ekki skynjara til að greina
snúning hjólsins. Drifeiningin greinir sjálf þegar segullinn er
nálægt og reiknar hraða og aðrar nauðsynlegar upplýsingar
út frá því hversu oft segulsviðið kemur fyrir.
Þar sem drifeiningin er viðkvæm fyrir segulsviðum skal gæta
þess að ekki séu fleiri segulsvið nálægt henni (t.d. fótstig
með seglum, segulmælar fyrir snúningshraða sveifar o.s.frv.)
sem valdið geta truflunum í drifeiningunni.
Notkun
Til þess að geta sett rafhjólið í gang þarf stjórnbúnað sem
tilheyrir kynslóðinni the smart system. Sjá
notendahandbókina fyrir stjórnbúnaðinn og e.t.v. annan
búnað sem tilheyrir kynslóðinni the smart system.
Upplýsingar um hvernig hjólað er á rafhjólinu
Hvenær vinnur drifið?
Drifið aðstoðar þig við að hjóla þegar þú stígur á fótstigin.
Ekki er veittur stuðningur nema að stigið sé á fótstigin.
Afköst drifsins fara alltaf eftir því hversu miklu afli er beitt á
fótstigin og hversu hratt þeim er snúið.
Ef litlu afli er beitt og snúið er hægt er stuðningurinn minni en
ef miklu afli er beitt og snúið hratt. Þetta gildir óháð því
hvaða stuðningsþrep er stillt á.
Drifið slekkur sjálfkrafa á sér þegar hraðinn fer yfir 25 km/h.
Þegar hraðinn fer niður fyrir 25 km/h stendur drifið
sjálfkrafa aftur til boða.
Undantekning á þessu er teymingarhjálpin sem gerir kleift að
teyma rafhjólið á litlum hraða án þess að stíga á fótstigin.
Þegar teymingarhjálpin er notuð geta fótstigin snúist með.
Einnig er hvenær sem er hægt að hjóla á rafhjólinu eins og
venjulegu hjóli, annaðhvort með því að slökkva á því eða með
því að stilla stuðningsþrepið á OFF. Hið sama á við þegar
rafhlaða rafhjólsins er tóm.
Samspil drifeiningar og gírskiptingar
Jafnvel þótt um rafhjól sé að ræða er gírskiptingin notuð með
sama hætti og á venjulegu reiðhjóli (sjá notendahandbók
rafhjólsins).
Óháð því um hvernig gírskiptingu er að ræða er mælt með því
að stíga léttar á fótstigin í stutta stund á meðan skipt er um
gír. Þannig verður auðveldara að skipta um gír og dregið er úr
sliti á aflrásinni.
Með því að setja í réttan gír er hægt að auka hraðann og
drægið án þess að leggja meira á sig.
Byrjað að kynnast rafhjólinu
Mælt er með því að byrjað sé á því að kynnast rafhjólinu utan
fjölfarinna gatna.
Prófaðu mismunandi stuðningsþrep. Byrjaðu á lægsta
stuðningsþrepinu. Um leið og þér finnst þú hafa náð góðum
tökum á rafhjólinu getur þú byrjað að hjóla á því í umferðinni.
Bosch eBike Systems
Prófaðu drægi rafhjólsins við mismunandi skilyrði áður en þú
ferð að skipuleggja lengri og meira krefjandi ferðir.
Áhrif á drægi
Ýmis atriði hafa áhrif á drægið, til dæmis:
– stuðningsþrepið,
– hraðinn,
– eiginleikar gírskiptingarinnar,
– það af hvaða gerð dekkin eru og hversu mikill þrýstingur
er í þeim,
– aldur og ástand rafhlöðunnar í rafhjólinu,
– hvernig leiðin liggur (halli) og hvernig undirlagið er
(slitlagið á akbrautinni),
– mótvindur og umhverfishitastig,
– þyngd rafhjóls, ökumanns og farangurs.
Það er því ekki mögulegt að segja nákvæmlega til um hvert
drægið verður áður en lagt er af stað og meðan á ferðinni
stendur. Almennt gildir þó:
– Við óbreytt stuðningsþrep á drifi: Því minna afli sem þú
þarft að beita til að ná tilteknum hraða (t.d. með því að
nýta gírskiptinguna sem best), því minni orku mun drifið
nota og þeim mun meira verður drægið á hverri hleðslu á
rafhlöðunni.
– Því hærra stuðningsþrep sem er valið við skilyrði sem eru
eins að öðru leyti, þeim mun minna verður drægið.
Góð umhirða rafhjólsins
Gæta skal að réttu notkunar- og geymsluhitastigi fyrir íhluti
rafhjólsins. Verja skal drifeininguna, hjólatölvuna og rafhlöðu
rafhjólsins fyrir mjög lágu eða mjög háu hitastigi (t.d. vegna
mikils sólskins án loftræstingar). Íhlutirnir (sérstaklega
rafhlaða rafhjólsins) geta orðið fyrir skemmdum vegna mjög
lágs eða mjög hás hitastigs.
Viðhald og þjónusta
Viðhald og þrif
Þegar skipt er um perur skal gæta þess að perurnar séu
samhæfar við Bosch-rafhjólskerfi af kynslóðinni the smart
system (fá má upplýsingar um þetta hjá söluaðila) og að
uppgefin spenna sé rétt. Nýju perurnar verða að vera með
sömu spennu og þær gömlu.
Aðeins má skipta íhlutum á drifeiningunni og öðrum íhlutum í
drifinu (t.d. framtannhjóli, festingu framtannhjóls, fótstigum,
sveifum) út fyrir varahluti sem eru af sömu gerð eða sem
framleiðandi rafhjólsins leyfir sérstaklega til notkunar á því.
Þannig er komið í veg fyrir að drifeiningin verði fyrir of miklu
álagi og skemmist.
Ekki má þrífa neina hluta reiðhjólsins, þ.m.t. drifeininguna,
með því að dýfa þeim í vatn eða sprauta á þá vatni.
Láta skal skoða rafhjólið að minnsta kosti einu sinni á ári
(m.a. vélbúnað þess og hvort kerfishugbúnaður er í nýjustu
útgáfu).
Láta skal viðurkenndan söluaðila reiðhjóla sjá um að
þjónusta rafhjólið og gera við það.
Íslenska – 3
0 275 007 3D2 | (13.02.2023)